حقيبة وثائق المنح الاسعافية !

img

اليوم رح نحكي عن شغلة مهمة كتير وهي موضوع تجهيز الاوراق الثبوتية مشان المنح .. أحياناً في منح بكون وقت التسجيل عليها ديئ وكتير أشخاص عم يروح عليهن التسجيل لأنهن بيتأخروا بتجهيز أوراقن ومابيبعتوها دفعة وحدة ..هلأ من خلال خبرتنا بعمليات التسجيل , في وثائق أساسية مطلوبة بكل منحة لازم دائمأً دائماً تكون جاهزة معك ومسحوبة على سكانر نظاامي (يعني مو تصوير موبايل) ومحطوطة بمجلد عندك عاللابتوب أو عالايميل مشان مجرد مافتحت أي منحة بكون كل ماعليك انو تستكمل كم ورقة تانيات منخبرك عليهن وخالص الأمر .. وانتبه لازم تكون كل الوثائق مترجمة من ترجمان محلف وجاهزة .. أغلب الوثائق اللي بتنطلب بالمنح ولازم تكون عندك احتياطاً دااااائماً ومتررررررجمة متررررررجمة هي وبدون ترتيب :

1- مصدقة التخرج من الجامعة.
2- كشف علامات التخرج . (+ كشف علامات الماجستير في حال منح الدكتوراه)
3- رساليتن توصية من دكتورين بالجامعة. (أحياناً بينطلب أسماء وعناوين البريد الالكتروني لثلاثة معرفين (يفضل عناوين بريد الكتروني جامعية/مهنية وليس عناوين عامة)
4- السيرة الذاتية وفق النموذج الاوروبي. (نحنا منقدملك هالخدمة اذا ماعرفت).
5- رسالة دوافع Motivation Letter وهي عبارة عن صفحتني وورد ألفين كلمة بتشرح فيها ليش اخترت هالمنحة وشو مشاريعك وكيف حابب تفيد بلدك بموضوع دراستك بس ترجع. (نحنا منقدملك هالخدمة اذا ماعرفت)
6- شهادة التوفل أو GRE أو أي امتحان للغة الانكليزية معتمد عالمياً (إن وجدت).
7- في حال مامعك توفل ترجم شهادات اللغة الانكيزية اللي حصلت عليه من معاهد تعليم اللغة.
8- شهادات خبرة عمل من المكان اللي كنت تشتغل فيه (إن وجدت).
9- صورة شخصية بمقاس الصورة اللي على جواز السفر .
10- صورة عن جواز السفر الصفحة (1+2+3+4).
11- شهادة البكالوريا للطلاب غير المتخرجين من الجامعة.

مرة تالتة منأكد انو لازم تكون الوثائق كلها مترجمة عند ترجمان محلف , وبالنسبة للتصديق من الخارجية غالباً مو مطلوب إلا بعد ماتحصل على القبول من ادارة المنحة أو اذا رح تبعت وراقك عن طريق البريد العادي DHL .

ملاحظة: شهادة التوفل بتزيد من فرصتك بالقبول بالمنحة, لذلك نصيحتنا إلك انو خليك إيجابي واشتغل على حالك بموضوع التوفل طالما حابب تمشي بطريق المنح ولاتقول ماعندي وقت لأنو شغلتها بسيطة وبدها همّة وبس.

Comments

comments

الكاتب admin

admin

مواضيع متعلقة

التعليقات مغلقة

Inline
Inline