اسئلة متكررة حول المنحة التركية Türkiye Bursları Başvuruları Başlıyor

img

اسئلة شائعة

1- بيطلبو شهادات لغة انجليزية توفل و ايلتس او لا ؟

مافي اي شرط اجباري لانك تقدم شهادة لغة ابدا, بس بعض الجامعات هي بتطلب هالشي في حال كان التدريس فيها بالانجليزي, و وجود توفل او ايلتس بيزيد فرصك بالتأكيد.
———————–
2- شو هي لغة الدراسة ؟

لغة الدراسة بتعتمد ع قسمك بشكل اساسي في اقسام انجليزي و اقسام تركي بكل جامعة.
——————————-
3- هل اجباري انو ناخد سنة لغة تركي ؟

ايا كانت لغة الدراسة تبعيتك فانت مجبور تتخطى مستوى C1 باللغة التركية, ممكن تتجاوزو بطريقتين الاولى تقدم شهادة لغة تركية وقت التقديم, الحالة التانية بعد ما تنجح بالمنحة تدخل فحص اعفاء و تتجاوزو, و الا رح تدرس سنة كاملة لغة تركية.
————————
4- ترجمة الشهادت شو المطلوب ؟

بالمرحلة الأولى بيطلبو منك تقدم الشهادات, انا قدمتهن بلغة انجليزية بس بعد السؤال لكتير اشخاص نجحو, اكتشفت انو في كتير ناس قدمتن بالعربي.
بعد قبولك ووقت التسجيل بيطلبو منك نسخة انجليزية او تركية حسب جامعتك.
———————-
5- ترجمة الشهادات شو الأختام المطلوبة ؟

الترجمة بشكل أساسي الطريقة الرسمية هي ترجمة من الترجمات المحلف تصديق من كاتب العدل و بعدين تصديق من الخارجية للي موجودين بسوريا
للي موجودين بتركيا تصديق و بعدين نوتر.
بس و بحط تحتا خطين انو كل موظف عقلو شكل يعني في ناس بدون خارجية مشيت و ناس لا و كل الاحتمالات واردة
في حال الامكانية امشي عالطريقة الرسمية اسهلك من الركض بعدين.
——————–
6- تقديم الطلب بيكون بأي لغة ؟

التقديم كلو الكتروني و الموقع فيو عدة لغات من بينها العربي
في حال قدمت طلبك فلازم يكون كلو بنفس اللغة ما تكتب كل جزء بلغة لانو بالاخر موظف واحد رح يشتغل فيو.
طبعا الاسامي حصرا متل الجواز و متل الشهادة بالحروف اللاتينية.
—————————–
7- المقابلة وين بتكون ؟

المقابلة بتكون بسفارة تركية ب لبنان
او بتركيا ( غالبا عم تكون بغازي عنتاب بالجامعة كونها قريبة لسوريا, أو بمركز المنح الرئيسي بانقره, بس ممكن هالسنة يحددو شي تاني. بكل الاحوال ببعتولك ايميل لما بتكون مقبول عن المقابلة مكانها و تاريخها ).

لغير السوريين
المقابلة بالسفارة التركية ببلدك smile emoticon
—————————–
8- شو هي اللغة المستخدمة بالمقابلة ؟

بالمقابلة بكون في اشخاص بيحكو عربي و بتقدر تحكي انجليزي او تركي.
————————-
9- بالنسبة للماستر و الدكتوراه هل مطلوب نأمن قبول ؟

مو مطلوب منك تتواصل مع الجامعات اطلاقا ولا تامن قبول ولا شي
كل المطلوب منك تختار من بين الخيارات المطروحة عليك 10-12 جامعة بالترتيب
و هنن بيحددولك وين بتكون منحتك في حال قبلت.
———————-
10- رسائل التوصية ؟؟

رسالة التوصية مو شي اجباري, لكن شي مهم جدا و بزيد فرصك
رسالتين توصية بيكون الوضع مثالي و بفيدك كتير وقت التقديم.
———————-
11- وقت العطلة فينا نرجع لسوريا ؟

وقت العطلة انت حر وين بدك تكون, و في حال كنت ماستر او دكتوراه علاقتك مع المشرف تبعك في حال كان موافق ان شاء الله تقضي منحتك كلها ببلدك ما حدا بحاكيك شي.
————————–
12- الحالات المستعصية!!! عمرك فوق العمر المطلوب !! معدلك تحت المعدل المطلوب !!

قدم و مالك خسران اي شي, مو مستحيل شي و في استثناءات في حال طلبك قوي.
——————————–
13- انا رايح اتخرج و بقيلي كم مادة.. ممكن أقدم ؟

ممكن تقدم طبعا في حال كانت مصدقتك بتطلع من هون للصيف, بالوقت الحالي لازم تجيب كشف علامات جديد تثبت فيو انك رايج تتخرج.
————————
14- انا عم ادرس حاليا بتركيا فيني قدم عالمنحة ؟

فيك تقدم عالمنحة طبعا و طلاب البكالوريوس اللي اخدين قبول بتركيا هالسنة كان في الهم تسهيلات كبيرة و خلوهن يكملو بجامعاتن و تعاملو معاملة خاصة.
——————–
15- شهادتي سعودية ممكن اقدم ؟

بالتأكيد ممكن تقدم.
———————-
16- شو هو معيار الاختيار؟ هل المعدل مو مهم ؟

المعدل بالتأكيد عامل مهم للاختيار, بس مو هو العامل الوحيد
بيلعب دور شهاداتك اللي معك و خبرتك بمجالك وخطتك بهالمجال و رسالة الدوافع و أمور كتير.
——————————-
17- بعد التخرج هل أنا مجبر لارجع لبلدي ؟

بعد التخرج المنحة ما بتجبرك ع اي شي, فيك تروح وين ما بتحب او فيك تكمل بتركيا.
——————————–
18- في حال كنت طالب بكالوريوس و مالي مخلص شو بكون وضعي ؟

طالب البكالوريوس بيرجع بيعيد من الاول, المنحة مافيها نظام استكمال.
——————————
19- بهندسة البترول في 3 جامعات بس بتركيا, و حسب ما سمعت انا مجبر ب 6 خيارات على الاقل, شو الحل ؟

التسجيل بيصير بشكل الكتروني تماما, يعني الجامعات المعروضة عليك موجودة و انت بتختار من بينها.
في حال عرضو عليك بس 3 او 4 جامعات خلص هنن فهمانين الوضع مسبقا بكون.

سنطرح تفاصيل التسجيل على المنحة بمساعدتنا فور افتتاحها واستقرارها من قبل ادارة المنحة

Comments

comments

الكاتب admin

admin

مواضيع متعلقة

التعليقات مغلقة